مفاهيم قبل الطباعة فى الاتوكاد

الحمد لله رب العالمين والصلاة والسلام على سيدنا محمد اشرف الخلق اجمعين اما بعد

موضوع اليوم عن الطباعة بكل ما فيها من مصطلحات من
PLOT – SCALE 1:500 – LAYOUT – VIEW PORT – MODEL – PAPER SIZE -A1-A0 – PAGE  SETUP MANGER -  PLOT STYLE  – CUSTOM SCALE – STANDER SCALE

والذى سنتناول شرحه اليوم هو خبرة اعوام فى العمل المكتبى وصراع يومى مع الاتوكاد وان شاء الله اقدر اوصلكم معومة ولو بسيطة وعلى بركة الله نبدأ
تعبر الطباعة هى اهم مرحلة فى العمل التصميمى من خلالها ترى نتيجة جهدك ووقتك الذى وضعته فى رسمك وفى بعض الاحيان تتحول هذة المرحلة الى عقبة كبيرة لدى البعض تودى الى ضياع الوقت والجهد المبذول فيها لانك لم تسطيع اخراج عملك كما هو مطلوب منك .

 نقطة تحول :- استشهد هنا بموقف شخصى حدث معى فى بداية عملى كان سبب ودافع فى تحول نظرتى للطباعة واجعلها أولى اهتماماتى فى العمل . فبعد جهد ووقت طويل من العمل فى ملف ما جاء وقت الطباعة فبكل براءة ضغط على ايقونة الطباعة وحددت الجزء الى عايز اطبعه والورقة والسلام ثم جاء السوال من المدير !!! أحمد الرسمة دى بمقياس كام ؟1:500 طبعا ان عرفت قيمة المقياس لانه كان مكتوب على الرسمة القديمة وكان غلط برده

هى المطلوب تخرجها بسكيل 750 وعلى ورقة تانية مش دى وبلاش تشتغل من دماغك
وقتها بدأت بتحرك الماوس بلا هدف على الشاشة مع عمل zoom in – zoom out  دون جدوى وكان السوال الثانى  هو " هتعرف تعملها ولا مش هتعرف " فلك ان تتخيل الموقف والاحراج وقتها بعدما كانت اجابى ب مش هعرف اعملها فكان الرد " فلان تعال اطبع اللوحة دى صح بالاسكيل ده وعرف أحمد صابر بتعملها ازى " وطبعا بعد تغير المقياس وحجم الورقة كان لازم تعديل فى عناصر ال  

Annotation Objects   
(text height- leder text height-hatch scale- dim text height -Attribute hatch block scale )

ومن وقتها الى يومنا هذا وانا ولله الحمد اتعامل مع الطباعة بكل سهولة ويسر باى مقياس وعلى اى ورقة والموقف ده هو الى خلانى اتعمق اكتر فى الطباعة بكل ابعادها وده الى هحاول انقله فى التدوينة دى هنتكلم عن الطباعة بشكل مخلف او بنفس الاسلوب الى انا بتعامل به فى شغلى  

ونصيحتى لك كى تقوم بالاخراج والطباعة السليمة ان تجعلها نصب عينك قبل البدء فى الرسم واريدك ان تجيب معى على الاسئلة التالية

1-  ما هى الوحدات المستخدمة فى الملف الحالى ؟

2- ماذا تريد ان تطبع ؟
3- من اى مكان هتطبع ؟

4- على اى مقياس هتطبع ؟

5- على اى ورقة هتطبع ؟
بالاجابة على هذة الاسئلة قبل الطباعة اضمن لك اخراج نهائى محترم يكلل وتعبك ووقتك فالطباعة فى برنامج الاتوكاد تختلف عن الطباعة فى اى برنامج اخر فهى تحتاج الى بعض المهارات 
هنبدا بالاجابة النظرية على هذة الاسئلة وفى النهاية هنطبق بمثال يوضح المطلوب

اولا الوحدات المستخدمة فى الرسم :- ليس المقصود من الوحدات هنا ان تذهب الى امر units  وتشوف الوحدات الموجوة وبكدا تكون عرفت الحل كما فى الصورة 

millimeters  وانتهى الكلام على كدا!! لا طبعا الى اقصده هنا لو هتشتغل على ملف مرسوم سابقا تستخدم امر القياس Distance وتقيس المسافة بين اى عنصرين على سبيل المثال فى الصورة التالية 

هقيس عرض ال barking  الموجود ده وناتج القياس كان 2.60  ده معناه ان الملف مرسوم بالميتر طب لو كان الطول ب 260 فده ب سنتىمتر ولو 2600  ميليميتر لان منطقيا مفيش barking  بيكون عرضه 260 متر او 2600 متر الطبيعى انه يكون 2.60 متر النقطة دى مهمة جدا لانها هتنعكس على المقياس اتمنى تكون واضحة وبسيطة

ثانيا :- انت هتطبع ايه الصورة التالية لموقع ما كبير فى الحجم

هل هتطبعه كله مرة واحدة ولا هتقسمه على اجزاء وتبدأ تطبع كل جزء لوحده ولا هتطبع جزء واحد فقط لان المساحة المطبوعة هتنعكس على

Annotation Objects  and scale  

ثالثا :- انت هتطبع منين؟؟ المقصود انت هتطبع من model  ولا من ال layout  

  طب ودى هتفرق فى حاجة معاك ؟ طبعا دى بنفرق كتير لان مع ال layout

  هيكون معاك ادوات كتير ومميزات اكتر  وهى الاكثر احترافية وسهولة خصوصا مع المشاريع الكبيرة والمقسمة غير ال  Model   بيكون محدود الخصائص 

  مش عايزك تتوه فى الكلام افهم الاول الكلام النظرى ده وهنطبق بمثال معاك ومش هتخرج الا وانت هاضم موضوع الطباعة ده

رابعا وهو السوال الاهم وقد يسبب عقبة للبعض انت هتطبع بscale   كام  ؟؟؟

طب يعنى ايه الاول انا هطبع ب scale 1:250  or scale 1:500

  او اى مقياس تانى معناه ان الوحدة الى استخدمتها فى الرسم لما تطبع هتساوى كام وحدة على الطبيعة (اى كان الوحدة المستخدمة متر – سنتيمتر – ميليمتر ....)

نبسطها شوية عرض ال barking  الى تم قياسه سابقا كان طولة 2.60 متر

  ده طوله الحقيقى وبرده على الرسم كان كدا طب لما هيطبع معايا على ورقة اى كان  حجمها و scale  المستخدم لو مسكت مسطرة وقيسته عليها.....!!!!

 الناتج الى هيطلع لو ضربته فى ال scale  هيساوى الطول الحقيقى وبالتالى اقدر احسب المسافات والمساحات وكمان المناسيب بشكل صحيح 

نوضح اكتر بمثال

الصورة دى انا مصورة من ورقة A0  توضح قطاع ما عايزك تركز فى 3 حاجات مهمة فى الصورة اولا حاجة هى المقياس scale 1:05  وتانى حاجة الطول الموجود 450 مليم

(وثالث امر هو حجم الكتابة بالنسبة لمساحة الورقة وال scale  المستخدم وخلى دى للنقطة القادمة هنفصلها )  والوحدات المستخدمة فى الرسم هى ميليمتر فى الصورة التانية

 مسكت المسطرة وقيست الطول الموجود عالورقة عشان اتاكد ان كان شغلى صح ولا غلط  لاحظ هنا الطول كام عالمسطرة = 9 سم بالظبط طب لو حولنا ال 9سم دول الى ميليىمتر = 90 ميلم اضرب الطول ده فى Scale   وشوف هيطلع كام

 90*5 = 450 مليم كدا انا شغلى تمام

هى دى الفكرة الى عايز اوصلهالك واعرفك اهمية المقياس طب نشوف مثال تانى عشان ناكد المعلومة مرة تانية بمثال مختلف

الصورة دى برده من لوحة اى كان حجمها فيها رسم ال scale bare  (مقياس الرسم ) ال scale  المستخدم فى الطباعة هو 1:10 

 فيه كمان فى اخر اليمين مكتوب m 0.8 

يعنى الناتج بالمتر خش عالصورة الى بعدها

نفس الكلام تم قياس الطول من 0 الى .20 طلع على المسطرة كام 2 سم يبقى نضرب ال .20  فى ال   scale  بعد التحويل الى الميليمتر = 20 *10==200 مليم حولها للمتر عشان المقياس عندك مكتوب بالمتر هيكون الناتج 200 على 1000  يساوى .20m يعنى نفس الطول ولك ان تتخيل لو كانت الرسمة اصلا ال scale  مش مظبوط من البداية هل كنت هتعرف تحسب اى طول او مساحة او شغلك هيكون صح كما هو مطلوب منك ؟؟

نرجع لنقطقة ارتفاع الكتابة وزى ما شوفنا فى اول صورة ان الكتابة كانت متناسقة مع المقياس وحجم الورقة يعنى مش بنحط اى ارتفاع للكتابة وخلاص لازم يكون فيه تنظيم وتنسيق (والاهم من الشغل ظبط الشغل ) عشان لما تطبع لوحة تكون انت اول واحد راضى عنها لو  نفتكر الصورة دى

 نزلتها قبل كدا توضح العلاقة بين ارتفاع الكتابة والمقياس 

بعد اذنكم نخلى دى فى نهاية الموضوع بعد ما نخلص الطباعة هيكون ليها حفلة خاصة تتضمن

Annotation Objects and scale   

خامسا حجم الورقة :- ببساطة كدا مينفعش  يكون عندك مشروع كبير وتطبعه على ورقة A4  بمقياس تفصيلى لان المساحة المراد طباعتها هتكون اكبر من مساحة الورقة
الاول خلينا نشوف حجم الورق الموجود عندنا
الصورة التالية توصح اهم الاوراق المستخدمة عن الطباعة باحجامها

  طبعا هتلاقى اسماء تانية ولكن خليك فى دول الاهم وكل نوع من الانواع السابقة له مقاسان مرة LANDSCAPE  والاخرى PORTRAIT  يعنى بيعكس المقاسات ويبدل الطول مكان العرض فلازم تكون عارف المساحة الى هتطبعها كام ارسم حتى مربع عليها وقيس المربع ده وشوف الطول والعرض وحولها الى مليم
وشوف اقرب ورقة للمساحة دى كام بعد ما تكون محدد ال scale  

   خد بالك من السطر الى فوق كدا فيه كلمة مهمة ؟؟ (حولها الى مليم ) طب ليه مليم  هو ال c.m  ماله او ميتر اى وحدة تانية ليه ده بالتحديد
شوف يا هندسة اولا مساحة كل الورق الى ذكرناه من A0-A1-A2-A3-A4-  كلها ب وارجع للصورة الى فاتت وانت شوف بنفسك او افتح الاتوكاد وشوف بنفسك مكتوب جمب اى حجم MM طب خد كمان المعلومة دى" الاتوكاد عنده عمى وحدات ومش بيشوف الا وحدة بس !!!!!" وده مش هزار ده حقيقى .. امال ايه موضوع الوحدات الى اتكلمناعنها فى الاول  . طب والصورة دى

 جاية برده من الاتوكاد من امر الوحدات فيها كل الوحدات الموجودة فى الاتوكاد .. الوحدات دى كلها على راسى من فوق لكن هى تترجم عند الاتوكاد ك وحدة فقط وخلاص ومش فاهم يعنى ايه متر او سنتيمتر او كيلومتر او غيرها من الوحدات والدليل على ذلك عند طباعة اللوحة مش بيفهم غير وحدات الميليىمتر وبينى وبينك الصورة

هنا بيسال الوحدات الى اشتغلت بها تساوى كام وحدة من الميليمتر  يعنى مفيش هنا وحدات m  او c.m
يعنى لازم تحول الوحدات الى رسمت بها قبل الطباعة ال ميليمتر عشان تطلع مظبوطة على الورقة
بكدا نكون اخد فكرة نظرية قبل الطباعة لو حسيت انك توهت فى الكلام اقرء مرة تانية وانا حاضر لاى استفسار ان شاء الله الجزء القادم هيكون فيه مثال ازى نطبع من ال model  ونبدا الشغل العملى
الموضوع اجتهاد شخصى وشرح من واقع خبرتى وعملى لو جدت اخطاء فلا تبخل عليا بها واخبرنى عنها
مع خالص تحياتى 

شاركها في جوجل+

عن ahmed saber

اسمى (( احمد صابر )) مصرى .. اعمل مساح عام اعشق البرامج المساحية وتعلمها واخص منها الاتوكاد والسيفيل ثرى دى وأتمنى ان اترك راية علم ينتفع بها غيرى وتنفعنى فى قبرى