Create a custom toolbar

بسم الله الرحمن الرحيم

 تخصيص شريط ادوات جديد

سنتعلم فى هذة التدوينة البسيطة كيفية تخصيص شريط ادوات جديد يحتوى على الامر الاكثر استخداما 

وفى مثالنا هذا هنعمل شريط ادوات جديد به اوامر جديدة من الليسبات بدلا" من كل مرة تحميل الليسب وكتابة امر التشغيل كالشريط هذا 

وكمان كل امر هيكون له Description خاص به هيظهر بمجرد الوقوف على الامر دون تشغيله كالتالى

 هنحضر عدة الشغل معانا 

فولدر يحتوى على الليسبات  اى ليسبات على كيفك
اى برنامج تعديل على الصور وليكن Photoshopاو paint.net

تعال اول حاجة نخلى الاتوكاد يتعرف على فولد الى فيه الليسبات عشان لما تكتب الامر فى الاتوكاد الامر يكون معرف ولازم يكون مسار الفودر ده بالانجلش 

ادخل على نافذة تحميل الليسبات من الامر ap

 هتظهر نافذة ال load application

شايف انت علامة الشنطة الى تحت على اليمين دى الى مكتب عليها contentes  اضغط عليها هتفتحلك النافذة دى 

 اضغط على add  واختار الليسبات الى انت عايزها

 انا كدا ضيفت الليسبات الى انا عايزها والى بستخدمها كتير

 خلاص كدا اعمل close  وياحبذا لو تقفل الاتوكاد وتفتحه تانى وللتاكد ان الليسبات اتحملت معاك اكتب امر تشغيل اى ليسب بدون تحميلة (من الليسبات الى حملتها من الشنطة طبعا) وشوف الاتوكاد هيتعرف عليه ولا لأ 

كدا الخطوة دى تمام
ندخل على الخطوة الى بعدها
محتاجين صورتين حلوين كدا لكل امر بس استنى وخلى بالك الصور بتكون بامتداد bmp وبحجم معين !!!!
ممكن تختار صورتين من صور البرنامج وتعدل عليهم بس انا هعمل صورتين احسن .
طب صورتين ليه ما واحدة بس تكفى !!!؟؟؟
طب خد الاجابة انت بتعمل صورة صغيرة بحجم 16*16 pixels  والصورة التانية كبيرة شوية بحجم 32*32 pixels   

ولو اخترت الصورة الصغيرة بس الاتوكاد تلقائيا بيكبرها الضعف وبكدا ممكن يحصل تشوية فى الصورة فالافضل تعمل الصورتين

ماشى انا عملت الصورتين اهم بالفوتوشوب ومتناسش الاحجام زى ما انت شايف 

ندخل على امر cui  او من تبويب mange—  user interface

هتظهر النافذة الحلوة دى تعالى على اختيار 

toolbar

وكليك يمن واعمل 

new toolbar

هنديلة اسم جديد وليكن My lisb

تعال بقى نعمل الامر الى هنضيفه للشريط ده  من خلال العلامة دى

او اقف على اى امر قديم واعمل كليك يمن واختار new command

كدا عملنا الامر وظهرت معانا الشاشة الحلوة دى على الشمال

 الجزء الى فوق ده لو هتعدل على ايقونة قديمة عشان الامر الجديد بس انا عملت الايقونة زى ما شوفنا قبل كدا

تعال نفصص الحاجت الى تحت دى اول حاجة ال

name   ده اسم الامر والافتراضى بيكون command 1   انا هسمية addletter  لان امر الليسب بيضيف حرف ال E  الى النصوص  ولازم يكون الاسم بدون اى مسافات

ال Description ده لو هتحط وصف للامر بحيث لو حد وقف بالماوس على الايقونة يظهر الوصف زى الصورة الاولى خالص مثلا هنكتب

  this command to adde letter E to the text

extended help file.  من خلال التعليمة دى تقدر تعمل ملف xaml تضيف فيه بيانات اكثر عن الامر الجديد بتاعك كمثال لما بتقف اى امر زى ال line  بيعرضلك وصف صغير له ولو طولت شوية بيكبرلك الوصف وبيدعمهولك بصورة ثابتة او متحركة
بس احنا مش هنضيف حاجة هنا

command display name  ده هتحط هنا الاسم الى هيظهر لما حد يقف على الامر  وواضح معاك زى الصورة اهو

macro ده هو الاهم بتلاحظ مكتوب جمبها ^C^C يعنى قبل تشغيل الامر هيعمل esc  مرتين طب ليه مرتين لما مرة واحدة تكفى؟؟؟ لان فيه بعض الاوامر لها اكتر من مستوى لما تضغط زر الهروب ecs  بيخرج من مستوى وعشان يخرج نهائى بيلزمة كمان ecs   وبعد العلامات دى ^C^C بتكتب الامر الى الخاص بالليسب عشان لما تختارة يشتغل معاك على طول وفى المثال بتاعنا الليسب امر التشغيل هو adde   ودى الى هتتكتب

بعد كدا عنا حاجة اسمها element id    كل امر فى الاتوكاد له id  خاص به ولا يمكن انا يكون فيه نفس الرقم لامرين
طب وعشان نجيب رقم مش متكرر ولا هيتكرر بعد كدا فيه حاجة اسمه ال guid  ومن خلالها هتنشى رقم وده بيجى من طريقتين اما من خلال الفيجوال استديو او مواقع مجانية
وعشان خاطر عيونكم نزلتكم رابط لعمل ال guid   اهو

هنا

هتدخل على الرابط وتكتب عدد الارقام ال guid
    الى انت محتاجها من 1- 2000
How many GUIDs do you want (1-2000)

وبعد كدا هتظغط على
  generate some guids

,وفى الصورة انا عملت 3 على سبيل المثال

انسخ اى رقم والصقه فى المربع الخاص به بعد -MM

وهو الاتوكاد بيديلك رقم تلقائى اول ما تعمل امر جديد لكن طريقة ال guid     اصح وافضل واضمن وخصوصا عند برمجة اوامر جديدة

بعد كدا فى خانة small image   هنا هتختار الصورة الصغيرة ال 16
وفى ال large image  هتختار الصورة الكبيرة ال 32

تمام كدا ظبطنا كل خيارات الامر الجديد على زر apply  واديله كبسة عشان يحفظ الامر

بعد كدا هتروح على الجزء الى على الشمال من النافذة وتبحث عن الامر وتمسكه وتضيفة فى شريط الادوات الجديد الى عملناه

ثم اكبس ok  وهيظهر معاك فى الشاشة

وبنفس الطريقة هتضيف باقى الاوامر
ممكن تظهر اى اشرطة اداوت تانية وانت فى وضع ال RIBBON  عن طريق

تبويب view===toolbars==autocad

واختار اى شريط عايز تظهره

 فما كان من توفيق فمن الله وحده وما كان من خطأ فمن قلة علمى

مع خالص تحياتى بدوام التوفيق والنجاح للجميع اخوكم احمد صابر

اذا كان لديكم اى اضافات او تعديلات لا تبخلو علينا بها فى التعليقات والرسائل

شاهد ايضا

ضبط الواجهة فى الاتوكاد Customize User Interface

اضافة قائمة جديدة للاتوكاد لايجاد اطوال ومساحات الاشكال المغلقة

شاركها في جوجل+

عن ahmed saber

اسمى (( احمد صابر )) مصرى .. اعمل مساح عام اعشق البرامج المساحية وتعلمها واخص منها الاتوكاد والسيفيل ثرى دى وأتمنى ان اترك راية علم ينتفع بها غيرى وتنفعنى فى قبرى